Foto: QR MAM
QR Ulttyq kitaphanasynyń qoryna qoǵam qairatkeri, mádeni mura janashyry Aqan Tańjaryqulynyń jeke jinaǵynda saqtalǵan asa qundy qoljazbalar resmi túrde tapsyryldy, dep habarlaidy Ult.kz.
Qoljazbalardy qabyldaý rásimi Qazaqstan qoljazbatanýshylar qaýymdastyǵynyń II otyrysy aiasynda ótti. Jiynǵa elimizdiń belgili qoljazbataný jáne shyǵystaný salasynyń ǵalymdary, kitaphana qyzmetkerleri men jas zertteýshiler qatysty.
Is-sharanyń negizgi maqsaty – Qazaqstandaǵy qoljazba muralardy júieli túrde zerttep, saqtaý jáne ǵylymi ainalymǵa engizý. Jiynda zertteýlerdiń ádistemelik jáne quqyqtyq negizderi talqylanyp, qoljazbataný ǵylymynyń qazirgi damý úrdisteri aiqyndaldy. Sondai-aq, otandyq jáne halyqaralyq ǵylymi qaýymdastyq arasyndaǵy kásibi bailanysty nyǵaitý máseleleri kóterildi.
Otyrys barysynda qatysýshylar «Qazaqstandaǵy memlekettik jáne jeke qoljazba qorlary: ǵylymi-praktikalyq mańyzy, zańnamalyq, quqyqtyq máseleleri» taqyrybynda baiandama jasap, qoljazbalardy saqtaý men paidalaný kezinde týyndaityn ózekti máselelerdi atap ótti. Sonymen qatar ǵylymi jáne quqyqtyq turǵyda sheshýdi qajet etetin jaittar da kóterildi.
Sonymen qatar ál-Farabi atyndaǵy Qazaq ulttyq ýniversiteti janyndaǵy «Jazba jádiger jáne rýhani mura» ǵylymi-zertteý ortalyǵynyń bastamasymen jaryq kórgen Sultan Áli Tabib ál-Horasanidiń «Emshilik dástúri» atty eńbeginiń tanystyrylymy ótti.
