Halyqaralyq qaýymdastyq pandemiiaǵa qarsy kúres kezinde tutas áreket ete almady. Bul týraly Túrki tildes memleketterdiń yntymaqtastyq keńesiniń beiresmi sammiti barysynda QR Prezidenti Qasym-Jomart Toqaev aitty, dep habarlaidy "Ult aqparat".
«Indetti toqtatýdyń birden-bir joly azamattarymyzdy vaktsinamen jappai qamtamasyz etý ekeni aidan anyq. Bizdiń elderimiz de ekpe shyǵarýdy qolǵa aldy. Ortaq múddege sai tájiribe bólisip, bir-birimizdi qoldaýmyz qajet dep sanaimyn. Ókinishke qarai, halyqaralyq qaýymdastyq pandemiiaǵa qarsy kúres kezinde tutas áreket ete almady. Negizgi iri memleketter arasynda qaishylyqtar týyndap, vaktsinalyq qaqtyǵys bastalyp ketti. BUU-da osyndai kúrdeli jaǵdaida óz áleýetin kórsete almady», - dedi Memleket basshysy.
QR Prezidenti osy kúrdeli kezeńde densaýlyq saqtaý jáne bioqaýipsizdik máselesiniń mańyzy arta túskendigin basa aitty.
«Bul rette BUU Bas assambleiasynyń 75-sessiiasynda Qazaqstan Biologiialyq qaýipsizdik jónindegi halyqaralyq agenttik qurý týraly bastama kótergeni belgili. Sizder osy tyń ideiany qoldaisyzdar dep senemin. Agenttik bolashaqta biologiialyq qaterdiń aldy alýǵa jáne qaýipti dert boiynsha málimet almasýǵa múmkindik bereri sózsiz», - dedi Qasym-Jomart Toqaev.
