Qazaqstan baýyrlas elderdiń jastaryna 50 grant bólýge daiyn. Bul týraly Túrki tildes memleketterdiń yntymaqtastyq keńesiniń beiresmi sammiti barysynda QR Prezidenti Qasym-Jomart Toqaev aitty, dep habarlaidy "Ult aqparat".
«Bilim berý salasyndaǵy yntymaqtastyq - bolashaqtaǵy tabysty seriktestiktiń negizgi faktory. Osy rette ortaq mádeni-aǵartýshylyq keńistik qalyptastyrǵan jón. Sol arqyly jastardyń zaman talabyna beiimdelýine jol ashylady. Ony Uly túrkiler bilim berý qoryn qurý arqyly júzege asyrýǵa bolar edi», - dedi Memleket basshysy.
QR Prezidentiniń atap ótýinshe, qor ýniversitetter arasynda akademiialyq utqyrlyq, taǵlymdamadan ótý, biliktilikti arttyrý isin úilestiredi.
«Biz baýyrlas elderdiń jastaryna Qoja Ahmet Iassaýi atyndaǵy Halyqaralyq qazaq-túrik ýniversitetinde bakalavriat baǵdarlamasy boiynsha oqý úshin 50 grant bólýge daiynbyz», - dedi Qasym-Jomart Toqaev.
