BUU Bas Assambleiasynyń 74-sessiiasy aiasynda Memleket basshysy Qasym-Jomart Toqaev Finliandiia Prezidenti Saýli Niinistiomen kezdesti, dep habarlaidy Aqordanyń baspasóz qyzmeti.
Taraptar saýda-ekonomikalyq, kólik-logistikalyq jáne tehnologiialyq salalardaǵy yntymaqtastyqtyń aýqymyn keńeitýdiń qazirgi jaǵdaiy men perspektivalaryn talqylady, sondai-aq, halyqaralyq kún tártibindegi ózekti máseleler boiynsha pikir almasty.
Memleket basshysy Finliandiia Soltústik Eýropa men Eýropalyq Odaqtaǵy Qazaqstannyń negizgi seriktesteriniń biri ekenin atap ótti.
Qasym-Jomart Toqaev Finliandiiamen syndarly jáne senimdi saiasi dialogty joǵary baǵalap, ózara tiimdi qarym-qatynasty damytýǵa daiyn ekenin aitty.
Prezidenttiń aitýynsha, Elbasy Nursultan Nazarbaevtyń 2018 jyldyń qazan aiynda Finliandiiaǵa jasaǵan saparynyń nátijesinde qol jetkizilgen ýaǵdalastyqtardy júzege asyrýmen qatar, yntymaqtastyqtyń jańa baǵyttaryn izdestirý eki eldiń arasyndaǵy áriptestiktiń shekarasyn keńeite túspek.
