Túrkistan oblysy, Maqtaaral aýdanyna Qazaqstan Respýblikasy Prezident Ákimshiliginiń memlekettik inspektory Serik Qojaniiazov jumys saparymen keldi.
Sapar barysynda ol ótken jyly ǵana jańadan qurylǵan aýdannyń tynys-tirshiligimen tanysyp, jergilikti halyqpen kezdesti, dep habarlaidy "Ult aqparat".
Memlekettik inspektor eń aldymen Maqtaaral aýyldyq okrýgi, Órkeniet eldi mekenindegi «Álibi» sharýa qojalyǵyndaǵy maqta terim naýqanynyń kýási boldy. Berik Shampievtiń basshylyǵyndaǵy qojalyqtyń enshisinde 45 gektar jer bar. Búginde munda 15 adam jumyspen qamtylǵan. Sondai-aq, kombain arqyly aq altyndy jinaý naýqany júrip jatyr.
Munan soń S.Qojaniiazov Jańajol aýyldyq okrýgine qarasty Ferdaýsi eldi mekenindegi 600 oryndyq mekteptiń jumysymen tanysty. Ótken oqý jylynda paidalanýǵa berilgen bilim uiasynyń qurylysyna biýdjetten 1 milliard teńgeden asa qarjy jumsalǵan. Mekteptiń ishin aralaǵan memlekettik inspektor ǵimarattyń zamanaýi qural-jabdyqtarmen, infraqurylymdarmen qamtylǵanyna kýá boldy.
Mýltimediialyq kabinetterdi, zerthanalar, mamandandyrylǵan oqý synyptaryn, sheberhanalar men kitaphanalardy, ádistemelik, dárigerlik, psihologiialyq kabinetterdi, sport zalyn kórip, qurylys sapasyna oń baǵa berdi. Memlekettik inspektordyń kelesi aialdaǵan jeri Myrzakent kentindegi «Myrzakent» maqta óńdeý zaýyty boldy.
Ermahan Jabýovtyń basshylyǵyndaǵy óndiris oshaǵynyń jalpy quny 1 milliard teńgeni quraidy. Maqta shikizatyn talshyqqa, shitke, lintke jáne ýliýgke bólip shyǵaratyn zaýyttyń jyldyq qýaty 60 myń tonnaǵa deiin jetedi. Qazirgi tańda munda 250 adam jumyspen qamtylǵan.
Aýdan ákimi Baqyt Asanov S.Qojaniiazovty aýdandy damytý maqsatynda iske asyrylyp jatqan birneshe jobalarmen tanystyrdy.
Atap aitqanda, qurylys salasy boiynsha 4 joba, abattandyrý salasy boiynsha 22 joba, jol salasy boiynsha 2 joba, kommýnaldyq sala boiynsha 9 joba, barlyǵy 37 joba iske asyrylmaqshy. Qazirgi tańda aýdan ortalyǵy Myrzakent kentinde abattandyrý, jaryqtandyrý, trotýarlar salý jumystary qarqyn alǵan. Kenttiń kireberisterine jańa qaqpalar ornatylýda. Sondai-aq, aýdan ortalyǵynyń ortalyq alańyn zaman talabyna sai kórikti etip jasaý úshin qurylys jumystary júrgizilýde.
Aita keteiik, aýdandaǵy atqarylyp jatqan jumystar men jobalarǵa oń baǵasyn bergen memlekettik inspektor «Myrzakent» aýdandyq aýrýhanasynyń jáne Dostyq eldi mekenindegi 600 oryndyq Ǵ.Músirepov atyndaǵy №53 jalpy orta mektebiniń jumys barysymen de tanysty.
