QR Premer-Ministri A. Mamin mal sharýashylyǵyn damytý máseleleri jóninde keńes ótkizdi. Bul týraly "Ult aqparat" primeminister.kz-ge silteme jasap habarlaidy.
QR Premer-Ministri Asqar Maminniń tóraǵalyǵymen mal sharýashylyǵyn damytý jóninde keńes ótti.
Iri qara mal basyn kóbeitý jáne siyr etiniń óndirisin arttyrý boiynsha qabyldanyp jatqan sharalar, óńirlerdiń etti mal sharýashylyǵyn damytý boiynsha áleýeti týraly QR aýyl sharýashylyǵy ministri S. Omarov baiandady.
Aldyn-ala málimetter boiynsha, 2019 jyly mal sharýashylyǵy ónimderiniń jalpy óndirisi elimiz boiynsha 2306 mlrd teńgeni qurady, bul ótken jyldyń sáikes kezeńiniń deńgeiinen 12,5%-ǵa artyq.
Iri qara mal (IQM) basynyń sany 4%-ǵa 7,4 mln basqa, jylqy – 6,8%-ǵa 2,8 mln basqa, qustar – 2%-ǵa 44,3 mln basqa, qoi – 2,7%-ǵa 16,9 mln basqa, túie – 3,5%-ǵa 214,8 myń basqa, shoshqa – 2,9%-ǵa 822,2 myń basqa kóbeigen.
Soiylǵan salmaǵyndaǵy qus etiniń óndirisi 16%-ǵa 223 myń tonnaǵa, siyr eti – 5%-ǵa 501,4 myń tonnaǵa, jylqy eti – 4,3%-ǵa 132 myń tonnaǵa, qoi eti – 0,8%-ǵa 152 myń tonnaǵa, shoshqa eti – 0,3%-ǵa 86 myń tonnaǵa deiin ósti.
2019 jyly asyl tuqymdy mal sharýashylyǵyn damytýdy sýbsidiialaýǵa jáne salanyń ónimdiligin arttyrýǵa 115,7 mlrd teńge qarjy bólindi. 840 otbasylyq ferma 82,2 myń iri qara mal basyn satyp alýǵa nesie aldy.
2019 jyly jeltoqsan aiynda «Tyson Foods» amerikalyq kompaniiasymen qol qoiylǵan Qazaqstandaǵy qazirgi agro-mýltiprotein indýstriiasyn damytýǵa qatysý qaǵidalary týraly kelisim etti mal sharýashylyǵyn damytýǵa zor serpin beredi. Birinshi kezeńde QR-da ónimdiligi táýligine 2 myńǵa jýyq mal basy bolatyn zamanaýi et óńdeý keshenin salý josparlanǵan. Kásiporyn qazaqstandyq naryqtyń qajettilikterin ótep qana qoimai, ónimderdi shetel naryqtaryna eksporttaityn bolady, osylaisha, elimizdegi jyldyq aýyl sharýashylyǵynyń túsimin $1 mlrd-tan astamǵa qamtamasyz etýge yqpalyn tigizedi.
Keńeske qatysýshylar mal basynyń sanyn kóbeitý, onyń ónimdiligin arttyrý sharalaryn, mal bordaqylaý alańdarynyń júktemelenýin qamtamasyz etýdi jáne mal azyǵy bazasyn nyǵaitýdy talqylady.
Úkimet basshysy Qazaqstanda mal sharýashylyǵyn damytý jónindegi keshendi jumystardy jalǵastyrýdy tapsyrdy.
