Qorǵanys ministrliginiń aqparattyq-túsindirý toby QR QK Bas shtaby bastyǵynyń orynbasary general-maior Muhamedjan Talasovtyń basshylyǵymen Saryózek jáne Taldyqorǵan garnizondarynda boldy, dep habarlaidy "Ult aqparat".
Ministrliktiń baspasóz qyzmetiniń málimetinshe, áskeri bólimder men garnizon mekemelerine barý baǵdarlamasy óte mazmundy boldy. Qorǵanys vedomstvosynyń delegatsiiasy áskeri bólimder ornalasqan jerde bolyp, jas ofitserlerdiń, merzimdi jáne kelisimshart qyzmetiniń áskeri qyzmetshileriniń turý jaǵdailarymen tanysty.
General-maior Muhamedjan Talasov jeke qurammen, merzimdi qyzmettegi áskeri qyzmetshilerdiń ata-analarymen kezdesip, barlyq suraqtarǵa jaýap berdi. Sonymen qatar, ol áskeri bólimder men mekemeler komandirleriniń tártiptiń jai-kúii, áskeri qyzmetshilerdiń áleýmettik-turmystyq jáne turǵyn úi jaǵdaiy, bólimshelerdegi moraldyq-psihologiialyq ahýal, problemalyq máseleler týraly baiandamalaryn tyńdady, sondai-aq QR Prezidenti Joldaýynyń negizgi erejelerin túsindirdi.
Áskeri qyzmetshiler men olardyń otbasy múshelerine qajetti zań kómek kórsetilip, áskeri qyzmetke, turǵyn úi jáne zeinetaqymen qamtamasyz etýge qatysty máseleler boiynsha keńester berildi.
Is-sharalar QR QK Ulttyq áskeri-patriottyq ortalyǵy ártisteriniń kontsertterimen súiemeldendi. Sonymen qatar, AOSK qoian-qoltyq urys jáne qazaq kúresi boiynsha áskeri sportshylarynyń ónerleri qoiyldy.
Saryózek garnizonyna barý áskeri bólim kúnimen tuspa-tus keldi. Osy boiynsha áskeri jarysta úzdik bolǵan áskeri qyzmetshiler marapattaldy. Olardy QR QK Bas shtaby bastyǵynyń orynbasary jeke quttyqtady.
«Barlyq áskeri qyzmetshilerge áskeri boryshtarǵa adaldyǵy, qyzmeti men Otan qorǵaý isine qosqan zor úlesi úshin shynaiy rizashylyǵymdy bildiremin. Sizderdiń tamasha qyzmetterińiz abyroi, áskeri erlik pen patriotizmnyń aiqyn dáleli», – dedi ol.
Garnizondarǵa barý barysynda zapasqa shyǵarylatyn merzimdi qyzmettegi áskeri qyzmetshilerdi quttyqtaý jáne osy kúzde Qarýly Kúshterge qyzmetke jiberiletin áskerge shaqyrylýshylardy shyǵaryp salý uiymdastyryldy. Jas patriottar da shette qalmady. «Jas Sarbaz» áskeri-patriottyq qozǵalysynyń tárbielenýshileri saltanatty túrde ant qabyldady.
Aita ketý kerek, aqparattyq-túsindirý tobynyń jumys maqsaty – áskeri qyzmetshilermen, olardyń otbasy múshelerimen kezdesýler, olardyń áleýmettik-turmystyq jaǵdailary men problemalyq máselelerin zerdeleý, garnizondardyń áskeri bólimderi qolbasshylyǵynyń qyzmetin taldaý, qoldanystaǵy zańnamanyń negizgi erejelerin túsindirý jáne QR Prezidentiniń Joldaýyn júzege asyrý, sondai-aq áskeri bólimder men mekemelerge aqparattyq-tárbie jáne ideologiialyq jumystardy uiymdastyrý máseleleri boiynsha ádistemelik jáne praktikalyq kómek kórsetý.
