Qazaqstan Respýblikasynyń Qorǵanys ministrligi respýblikalyq jáne óńirlik deńgeidegi, baspasóz, televiziialyq jáne elektrondyq BAQ, radio jáne blogerlerdiń basyn biriktiretin «Ásker-Media-2017» tuńǵysh respýblikalyq baspasóz festivalin ótkizedi.
Is-sharanyń negizgi maqsaty Qarýly Kúshterdiń ashyqtyǵy men qoljetimdiligin arttyrý, QK qyzmetin buqaralyq aqparat quraldarymen bilikti jáne dáiekti túrde jariia etý, qoǵamdyq pozitivti pikir qalyptastyrý, áskeri qyzmettiń bedelin nasihattaý jáne arttyrý, birlesken media-jobalardy júzege asyrý bolyp tabylady. Konkýrstyq jumystardy irikteý kezinde barlyq qatysýshylar absoliýttik teń jaǵdaida bolady. Baǵalaýdyń basty ólshemsharty joǵary kásibi deńgei, taqyryptyń ózektiligi jáne mazmundaý tiliniń mánerliligi bolmaq.
«Ásker-Media-2017» respýblikalyq baspasóz festivaliniń qorytyndysy boiynsha «Úzdik televiziialyq baǵdarlama», «Úzdik radiobaǵdarlama», «Baspasóz BAQ-taǵy úzdik material», «Aqparat agenttigindegi úzdik jumys», «Úzdik fotojumys», «Áleýmettik jeliler men blog-tuǵyrnamalardaǵy úzdik jumys», «Úzdik áskeri sholýysh», «Úzdik jas jýrnalist», «Úzdik óńirlik BAQ» atalymdary boiynsha BAQ-tyń úzdik ókilderi tańdalatyn bolady.
Aǵymdaǵy jylǵy 10 shildede baiqaýǵa qatysý sharttary, sondai-aq «Ásker-Media-2017» tuńǵysh qazaqstandyq baspasóz festivaliniń erejesimen QR Qorǵanys ministrliginiń resmi saitynda tolyqqandy tanysýǵa bolady.
