Qazaqstan Qarýly Kúshteriniń áskeri qyzmetshisi «Dostastyq jaýyngeri» baiqaýynyń jeńimpazy atandy Belarýs Respýblikasynda «Dostastyq jaýyngeri» dostastyq armiialary áskeri qyzmetshileriniń áskeri-kásibi sheberligi halyqaralyq baiqaýy óz máresine jetti. Onda aǵa serjant Orynbek Sándibekov baiqaýdyń bas nominatsiiasynda jeńiske jetti.
Qyzý tartys barysynda «Dostastyq jaýyngeriniń» bas nominatsiiasyn baiqaý qatysýshylary arasynda úzdik nátijeler kórsetip, aǵa serjant Orynbek Sándibekov bas atylymdy jeńip aldy. Bul baiqaýda aǵa serjant Orynbek Sándibekov 2015 jyly Qazaqstan aýmaǵynda jeńip alǵan chempiondyq titýlyn qaitaryp alǵanyn jáne «Dostastyq jaýyngeri» saiysynyń eki dúrkin jeńimpazy atanǵanyn aita ketý qajet. Konkýrs «Erýdit», «Mergen», «Atlet», «Kásipqoi» jáne «Kavaler/Bikesh» kezeńderinen turdy.
«Erýdit» kezeńinde 85510 áskeri bóliminiń telefonisti kishi serjant L.N. Gýbareva múmkin 100 baldyń ishinen 80 baldy jinap, áiel áskeri qyzmetshilerdiń arasynda ekinshi oryndy ielendi. Bul kezeńde qatysýshylar Uly Otan soǵysy, UOS kezindegi qarý-jaraqtar men áskeri tehnikanyń taktikalyq-tehnikalyq qasietteri, UOS batyrlary men marshaldary, batyr qalalary, sondai-aq halyqaralyq gýmanitarlyq quqyq týraly testten ótý qajet boldy. 61993 áskeri bóliminiń desanttyq-shabýyldaýshy vzvodynyń aǵa serjant O. Ermekov er áskeri qyzmetshileriniń arasyndaǵy oq atý daiarlyǵy boiynsha úzdik atqysh atandy. Atalǵan saiysta qatysýshylarǵa, ár qalypta 5 oqtan atyp, túrli qalyptardan (turyp, tizerlep, jatyp) barynsha kóp upai jinaý qajet boldy. Aǵa serjant Ermekov múmkin 150 upaidyń ishinen eń kóp 133 upaidy aldy.
«Atlet» áskeri-sporttyq kezeńinde 21450 áskeri bóliminiń motoatqyshtar rotasynyń aǵa serjanty A. Baidaýletov barlyq jyldamdyq jáne kúshtik jattyǵýlardan úzdik kórsetkishter kórsetip, erler arasynda birinshi oryndy ielendi. Bul bólim 5 jattyǵýdan turdy: 100 metrge júgirý, qol granatasyn qashyqtyqqa laqtyrý, kedergiler jolaǵynan ótý, erlerge beltemirge tartylý, áielderge jatý qalpynda qoldy búgý jáne qaita jazý, sondai-aq alys qashyqtyqtarǵa júgirý.
97616 áskeri bóliminiń batareia serjanty aǵa serjant O. Sandybekov aýyr kedergiler jolaǵyn 7 minýt 26 sekýnd ýaqytta ótip, eń kórinisti «Kásipqoi» áskeri-kásibi kezeńinde jeńimpaz atandy. Kedergiler jolaǵynan ótý kezinde qatysýshylar túrli áskeri-qoldanbaly jattyǵýlardy, jaýyngerlik daiarlyq boiynsha normativterdi jáne ár túrli qashyqtyqqa oq atýdy oryndady. «Kavaler/Bikesh» shyǵarmashylyq kezeńinde «Táýelsiz Qazaqstan» ánin oryndap ekinshi oryn ielengen aǵa serjant O. Sandybekov belorýstyq konkýrsantqa jol berdi. Osylaisha, bizdiń áskeri qyzmetshiler joǵary kásibi daiarlyq, jigerlik jáne jeńiske degen umtylystaryn kórsetip bes kezeńniń ishinen úsh kezeńde jeńimpaz atandy. Jalpy komandalyq esepte jinaǵan baldary boiynsha qazaqstandyq komanda saiys iegerlerinen 4 balǵa qalyp, al Resei Federatsiiasynyń (25 ball) jáne Armeniia Respýblikasynyń (90 ball) komandalaryna aitarlyqtai basymdylyq kórsetip, ekinshi oryndy ielendi. QR QK bas serjanty sheber-serjant T. Halyqov «Bizdiń áskeri qyzmetshiler joǵary daiarlyq deńgeiimen jáne jeńiske degen umtylystarymen erekshelendi. Birinshi kúnnen bastap Belorýs komandasy bizge basty qarsylas boldy. Sońǵy sátke deiin jinaǵan upailardyń sany boiynsha biz bir deńgeide keldik.
Sonymen qatar bizdiń qatysýshylar konkýrstyń «Atlet», «Kásipqoi», «Mergen» úsh negizgi kezeńin jeńip aldy. Ókinishke qari, aqyrǵy kúni «Kavaler/Bikesh» shyǵarmashylyq kezeńinde qazylar alqasy birinshi oryndy belorýsiialyq qatysýshyǵa berýdi durys dep sheship, olar 4 bal ozyp shyqty.
Sonymen qatar, basqa elderdiń qarýly kúshteriniń ókilderi qazaqstandyq áskeri qyzmetshilerdiń óte myqty ekendigin moiyndaidy. Buǵan 2009 jyldan beri kele jatqan konkýrstardyń nátijelerin kórý arqyly kóz jetkizýge bolady» – dep atap ótti.
