Ishki ministrliginiń ókilderi Ridderde úi aýlasynan joǵalǵan balany izdeý jumystary qalai júrgizilgenin aityp berdi, dep habarlaidy "Ult aqparat".
9 sáýirdiń keshinde Shyǵys Qazaqstan oblysy Ridder qalasynyń politsiia bólimine kópbalaly ana júginip, 3-ke tola qoimaǵan ulynyń aǵalarymen syrtqa oinaýǵa shyǵyp ketken qalpy tabylmai jatqanyn habarlaǵan.
«Keiin anyqtalǵandai, balalar anasymen birge kóshege shyqqan. Anasy kórshisine kirip, balalaryn terezeden baqylap otyrǵan. Sálden soń dalaǵa shyqqan kezde, balasyn tappai qalǵan. Basqa balalar da onyń qashan jáne qaida ketkenin baiqamaǵan», - deidi politsiia qyzmetkerleri.
Kómekke kelgen saqshylar birden balalar oinap júrgen turǵyn úi mańyn, kósheler men úilerdi tekseredi.
«Mańaidaǵy 10 kóshede 50-den astam úi qaralyp, dúkenderdiń beinekameralary tekserildi. Alaida jazbalardan eshteńe tabylǵan joq. Izdestirý túni boiy jalǵasty. Oǵan 80-nen astam politsiia qyzmetkeri jáne Ulttyq ulannyń 50 áskeri qyzmetshisi, qutqarýshylar, tótenshe jaǵdailar departamentiniń 3 kinologiialyq toby jáne 135 erikti qatysty. Ókinishke qarai, jańbyr jaýyp turǵandyqtan qyzmettik itter izderdi taba almady», - delingen resmi málimette.
Búgin tańǵy saǵat 9.30-da oblystyń kriminaldyq politsiia qyzmetkerleri Bystrýha ózeniniń boiyn qaraý barysynda, ózende kóldeneń jatqan aǵashtyń janynan (úiden shamamen 800 metr jerde) balanyń denesin tapty.
«Ishki ister ministrligi marqumnyń otbasyna qaiǵyryp kóńil aitady. Sondai-aq balany izdeýge qatysqan eriktiler men qoldaýshylarǵa alǵys bildiredi. Sonymen qatar, eldegi sý tasqyny jaǵdaiyn eskere otyryp, politsiia kóshede júrgen balalarǵa abai bolýdy, kishkentai bóbekter men kámeletke tolmaǵan balalardy sý qoimalarynyń janynda jalǵyz qaldyrmaýdy suraidy», - dep jazady IIM baspasóz qyzmeti.
