QR IIM esirtkimen kúreste turǵyndardyń kómegine júginbek. Osy maqsatta WhatsApp messendjerinde qaýyrt jeli ashyldy, dep habarlaidy "Ult aqparat" ministrliktiń baspasóz qyzmetine silteme jasap.
«Endi árbir turǵyn eń aýyr áleýmettik problemalardyń biri - esirtki qylmysynyń aldyn alýǵa jáne oǵan qarsy kúreske óz úlesin qosa alady. WhatsApp messendjeriniń kómegimen azamattar esirtkige qatysty quqyqbuzýshylyq, esirtkiniń taralýy, esirtki quraldary týraly graffiti jazý jáne betbelgilerdi ornalastyrý faktileri týraly foto jáne beinejazba túrinde málimetterdi 8 777 785 66 51 nómirine jiberýine bolady. Bul nómirge túsken aqparattardyń barlyǵy Esirtki qylmystaryna qarsy is-qimyl jónindegi departamenttiń kezekshi bólimine túsedi, sol boiynsha jedel sharalar qabyldanady», delingen habarlamada.
Baspasóz qyzmetiniń málimetinshe, graffiti jazýlar (geolokatsiia) salynǵan jerdiń fotosýretin, belgili bir maqsatsyz aýlada, úilerdiń kireberisterinde júrgen kúdikti adamnyń beinelerin, jeńil aqsha tabý jáne taǵy sol siiaqty kúmándi usynystar jazylǵan hat almasýlardyń skrinshottaryn jiberýge bolady. Málimet berýshi anonimdi bolatyndyǵyna kepildik beriledi.
Shaǵymdanýshy ózine qatysty málimetterdi, bailanys telefondaryn jáne naqty mekenjaiyn kórsete otyryp, múmkindiginshe foto/beinejazbany qosa jiberýi kerek.
«Bul WhatsApp nómir Youtube videohostinginde nashaqorlyqtyń aldyn alý, salaýatty ómir saltyn nasihattaý, jastar arasynda nashaqorlyqtyń aldyn alý salasynda belsendi azamattyq ustanymdy qalyptastyrý, densaýlyqqa qundylyq qarym-qatynasty qalyptastyrý jáne nashaqorlyq problemasyna nazar aýdarý maqsatynda qurylǵan «Esirtkige – joq!» arnasynda kórsetilgen», delingen habarlamada.
