Armeniia, Qyrǵyz Respýblikasy, Resei men Belarýsten Qazaqstanǵa 170 myńǵa tarta kólik quraly kirgizilgen, dep habarlaidy "Ult aqparat" IIM silteme jasap.
IIM Armeniia men Qyrǵyzstannan ákelingen avtokólikterge qatysty bylai túsinik berdi.
«Bul elderdiń EAEO-ǵa qosylýyna bailanysty erejege sáikes, iaǵni ol elderden ákelingen kólikterdiń EAEO-ǵa múshe basqa memleketterdiń aýmaǵynda paidalanýyna qatań shekteýler bar. Máselen, atalǵan elderde 2014 jyldan bastap 2020 jyldyń 1 qańtaryna deiin tirkelgen avtokólikter Qazaqstanǵa ýaqytsha ákelinýi múmkin. Ýaqytsha ákelingen bul kólikter Qazaqstanǵa kedendik bajdardy, salyqtardy tólemei jáne Qyrǵyzstan men Armeniiada turaqty turatyn azamattardyń kedendik poshlinalardy tólemesten kirgizilýi yqtimal», - dep habarlaidy ministrlikten.
Al Qazaqstan azamattary Qyrǵyzstanda nemese Armeniiada tirkelgen kólik quraldaryn tek kedendik deklaratsiiadan ótkizip, baj, salyqtardy tólep, Qazaqstanda tirkegen jaǵdaida ǵana júrgize alady.
«Eger Qazaqstan Respýblikasynyń azamaty Qazaqstan aýmaǵynan tys jerde kólikti menshiktik quqyqqa tirkegen bolsa, sonymen birge onda kólikti tirkeý týraly kýálik bolsa, «Jol qozǵalysy týraly» Qazaqstan Respýblikasy Zańynyń 66-babynyń talaptaryna sáikes, kólik 10 jumys kúni ishinde Qazaqstanda tirkelýi kerek. Bul rette tiisti bajdyń bári tólenýi tiis», - delingen habarlamada.
Osylaisha, ministrlik shetelde tirkelgen kólikterdi Qazaqstanda paidalanýdyń barlyq formalary zańnamamen rettelgenin eske salady. Qazaqstan Respýblikasynyń Ákimshilik quqyq buzýshylyq týraly kodeksiniń 590-babynyń 2-tarmaǵyna («Kólik quraldaryn paidalaný erejelerin buzý») sáikes, belgilengen tártippen tirkelmegen kólik quralyn júrgizgen adamǵa 10 AEK kóleminde aiyppul salynady. Sondai-aq, kemshilikti túzegenshe kólik ýaqytsha saqtaý alańynda bolady.
«Qazaqstanda sheteldik kólikti tirkeýdiń joqtyǵynan ózin jazasyz ketetinderin sezingender bar. Shetelde esepte turǵan kólikti júrgizgen Qazaqstandaǵy júrgizýshilerdiń kinásinen 1884 jol-kólik oqiǵasy bolyp, onyń saldarynan 132 adam kóz jumdy, 500-den astam adam jaraqat aldy. Máselen, ótken jyly jol erejeleriniń buzylýyn anyqtaityn avtomatty júieler 90 myńnan astam buzýshylyqty anyqtady (barlyǵy 1,1 mlrd teńge). Osy sanattaǵy kólik quraldaryn politsiianyń zańdardy buza otyryp paidalaný faktileriniń jolyn kesý maqsatynda kedendik jáne salyq organdarymen birlesip, reidtik is-sharalar ótkiziletin bolady. Osy sebepti, IIM qazaqstandyqtardy sheteldik esepte turǵan kólikterdi tirkeýge shaqyrady», - delingen habarlamada.
