Qazaqstan Prezidenti Qasym-Jomart Toqaev Indýstriia jáne infraqurylymdyq damý ministri Beibit Atamqulovty qabyldady, dep habarlaidy "Ult aqparat" Aqordanyń baspasóz qyzmetine siltememen.
Memleket basshysyna «Nurly jer», «Nurly jol» jáne Indýstriialandyrý baǵdarlamalarynyń júzege asyrylýy týraly baiandaldy.
Kezdesý barysynda turǵyn úi qurylysyna, sonyń ishinde az qamtylǵan jáne kópbalaly otbasylardy, jastardy baspanamen qamtamasyz etý máselelerine basa mán berildi.
Sonymen qatar Qasym-Jomart Toqaevqa kólik salasyn damytý, avtomobil joldaryn qaita jóndeý jáne investitsiialyq jobalardy iske asyrý úshin qabyldanǵan sharalar týraly málimet berildi.
Kezdesý qorytyndysy boiynsha Prezident memlekettik baǵdarlamalardy sapaly júzege asyrý jóninde birqatar naqty tapsyrma berdi.
