QR Ekologiia, geologiia jáne tabiǵi resýrstar ministri Maǵzum Myrzaǵaliev elimizdiń ońtústik óńirlerine jumys sapary aiasynda Qyzylorda oblysynda boldy.
Sapar barysynda óńir basshysy Gúlshara Ábdiqalyqovamen birge Kishi Aral bógetin kórdi, dep habarlaidy "Ult aqparat".
«Elimizdiń ońtústik óńirinde jumys saparymen júrmin. Keshe Qyzylorda oblysynyń ákimi G.Ábdiqalyqovamen Kishi Aralǵa baryp qaittym. Soltústik Araldaǵy ahýaldy jaqsartýda Kókaral bógetiniń qurylysy úlken ról atqardy jáne búginde ol jaqtaǵy sý kólemi 27 tekshe shaqyrymǵa jetti. Óńirdiń ekologiiasy jaqsaryp, balyq sharýashylyǵy qarqyndy damý ústinde. Sý qoimasynda tirshilik etetin balyqtyń 20-dan astam túri bar», - dep jazdy ministr Twitter paraqshasynda.
Onyń atap ótýinshe, bógettiń strategiialyq mańyzy bar jáne onyń jai-kúiin baqylaýǵa alyp, únemi kútip ustaý qajet.
«Osy maqsatta bógetti nyǵaitý jumystaryn júrgizý josparlanǵan, jobalyq-smetalyq qujattamasy ázirlenip jatyr. Joba taiaý keleshekte júzege asyrylatyn bolady jáne nysandy jańǵyrtý barysynda jumys oryndaryn ashýǵa múmkindik beredi», - dedi Maǵzum Myrzaǵaliev.
