Foto: QR DSM
Balalarǵa meditsinalyq kómektiń sapasyn arttyrý maqsatynda QR Densaýlyq saqtaý ministrligi dárigerlerdi daiarlaý júiesindegi mańyzdy ózgeristerge bastamashylyq jasaidy. Rezidentýranyń birqatar suranysqa ie mamandyqtary boiynsha daiarlyqtyń balalar beiinin engizý josparlanýda, dep habarlaidy Ult.kz.
Bul bolashaq dárigerlerdiń pediatriia salasyndaǵy tereń mamandanýyna nazar aýdarýǵa jáne arnaiy beiindi balalar mamandarynyń tapshylyǵyn azaitýǵa múmkindik beredi.
Bul innovatsiianyń negizgi dáleli aýrýdyń anatomiiasyndaǵy, fiziologiiasyndaǵy, klinikalyq kórinisterindegi, sondai-aq eresekter men balalardy diagnostikalaý men emdeý ádisterindegi aiyrmashylyqtar boldy.
Innovatsiia zamanaýi bilim men klinikalyq tájiribege súiene otyryp, balalar aýrýlaryn diagnostikalaý, emdeý jáne aldyn alý isinde keshendi jáne naqty tásildi qamtamasyz etýge múmkindik beredi.
Jańartylǵan daiarlyq júiesi sheńberinde rezident dárigerler 20 jańa balalar baǵyty boiynsha bilim ala alady, olardyń ishinde:
- - balalar kardiologiiasy jáne kardiohirýrgiiasy
- - balalar anesteziologiiasy
- - balalar infektsiialyq aýrýlary
- - balalar neirohirýrgiiasy
- - balalar pýlmonologiiasy
- - balalardyń jaq-bet hirýrgiiasy
- - balalar nefrologiiasy jáne basqa da mamandyqtar.
Rezidentýrany uiymdastyrýdaǵy jańa tásilder otandyq densaýlyq saqtaýdy jańǵyrtýdyń mańyzdy qadamy bolady jáne balalarymyzǵa meditsinalyq kómektiń sapasy men qoljetimdiligin arttyrýǵa múmkindik beredi.
