Fotokollaj: Azattyq Rýhy
Bas prokýrordyń orynbasary Jandos Ómiráliev jýrnalist Mihail Kozachkovtyń ustalýyna qatysty pikir bildirdi, - dep habarlaidy Massaget.kz.
Ómiráliev bas prokýror protsestik topqa qoǵamdyq uiymdar men advokattar ótinishindegi barlyq dáleldi tolyq zerdeleýdi tapsyrǵanyn aitty.
"Ózderińizge belgili, 18 jeltoqsanda Kozachkovty birqatar qylmys jasady degen kúdikpen Qarjy monitoringi agenttigi ustady. Sol kúni onyń úiinde áieliniń qatysýymen tintý júrgizildi. Sottyń ruqsaty boiynsha, kýágerler qatysqan tintý júrgizildi, barlyq protsess videoǵa túsirildi. Qazir bul iske barlyq qadaǵalaýdy Almaty qalasynyń prokýratýrasy júrgizedi, sondai-aq, bas prokýror arnaiy prokýrorlar tobyna osy istiń mán-jaiyn barynsha obektiv jáne ashyq túrde tergep-tekserý týraly naqty nusqaý berdi. Sizderge Bas prokýratýra qabyldaǵan sheshim týraly jaqyn arada habarlanady", - dep túsindirdi Ómiráliev Májiliste jýrnalisterdiń saýalyna jaýap berip.
Eske salaiyq, tanymal jýrnalist Mihail Kozachkov 18 jeltoqsanda ustalǵan bolatyn. Bul aqparatty Qarjylyq monitoring agenttigi rastady. Ol Kospaevtyń uiymdasqan qylmystyq tobyna reiderlik basyp alýlar jasaýǵa kómektesken degen kúdikke ilingen.
