Kópbalaly nemese ataýly áleýmettik kómek alatyn otbasylardyń balalaryna qosymsha bes myń grant taǵaiyndaý 10 tamyzǵa deiin jalǵasatyn bolady.
Tegin bilim alý úshin ulttyq biryńǵai testileý kezinde shekti ball (ulttyq ýniversitetter – 65 ball, ózgeleri – 50 upai, "pedagogika ǵylymdary" boiynsha keminde 60 ball) jinaý kerek.
Baiqaýǵa qatysýǵa qajetti qujattar:
-
bekitilgen úlgidegi blankide ótinish;
-
bilimi týraly qujat (qabyldaý komissiiasyna qujat tapsyrý kezinde túpnusqasy bolýy kerek);
-
UBT sertifikaty;
-
086-Ý formasyndaǵy meditsinalyq anyqtama;
-
jeke basyn kýálandyratyn qujattyń kóshirmesi;
-
mártebesin rastaityn qujattar (kópbalaly nemese ataýly áleýmettik kómek alatyn otbasynan shyqqan).
Qosymsha bes myń grantty jergilikti atqarýshy organdar baiqaý negizinde taǵaiyndaidy. Oblys jáne respýblikalyq mańyzy bar qala ákimderi baiqaý komissiiasyn qurady.
Bilim granttaryn taǵaiyndaý jáne JOO-ǵa túsý 25 tamyzǵa deiin jalǵasatyn bolady. Grant iegerleriniń tizimin jergilikti BAQ jariialaidy.
Óńirlerde baiqaýdy ótkizýge jaýaptylardyń aty-jóni men bailanys telefonyn bilim ministrliginiń saitynan tabýǵa bolady.
Aita keteiik, buǵan deiin Prezident Qasym-Jomart Toqaev turmysy tómen jáne kópbalaly otbasynyń balalaryna bes myń bilim grantyn bólýdi tapsyrǵan bolatyn.
