Foto: Bahytbek Nurǵabylulynyń jeke paraqshasynan
Mas kúiinde kólik júrgizgen Qostanaidyń bas imamy Baqytbek Tájimbet 15 táýlikke qamaýǵa alyndy ján 7 jylǵa júrgizýshi kýáliginen aiyryldy, -dep habarlaidy "Ult Aqparat".
Ol Býrabaidaǵy túngi klýbtardyń biriniń mańynda masań kúide Toyota Highlander avtokóligin aidap bara jatqan jerinen ustalǵany belgili boldy. Oqiǵa 23 shildede bolǵan.
"Tájimbet Baqytbek Nurǵabyluly Qazaqstan Respýblikasy Qylmystyq kodeksiniń 608-babynyń 1-bóligimen kináli dep tanylyp, oǵan 15 táýlikke qamaýǵa alý jáne 7 jylǵa júrgizýshi kýáliginen aiyrý jazasy taǵaiyndaldy", -delingen sot qaýlysynda.
Sot otyrysynda imam óz kinásin moiyndaǵan joq, tek qymyz ishkenin alǵa tartqan. Alaida meditsinalyq kýálandyrý meshit qyzmetkeriniń alkogol ishkenin rastady.
"Sot, B.N. Tájimbetke ákimshilik jaza qoldaný kezinde onyń jaýaptylyǵyn jeńildetetin mán-jaĭlardyń joq ekendigin, al jaýaptyǵyn aýyrlatatyn mán-jaĭ retinde, onyń alkogoldik masań kúĭde bolýy dep, onyń jeke basynyń, quqyq buzýshylyqtyń aĭnalasyndaǵylarǵa qoǵamdyq qaýiptiligin, azamattardyń densaýlyǵymen jol júrisi qaýipsizdigine qaýip týdyratyndyǵyn, sonymen qatar atalǵan quqyq buzýshylyq úshin balama jazanyń joqtyǵyn eskere otyryp, oǵan ákimshilik jaza retinde qamaqqa alý jáne kólik quralyn basqarý quqyǵynan aĭyrý jazasyn taǵaĭyndaý qajet dep esepteĭdi", – dep jazylǵan sot qaýlysynda.
Al Al Qazaqstan musylmandary dini basqarmasy resmi saitynan bul aqparat óshirilip tastady.
