Úsh jyl boiy izdestirilgen Qostanai turǵynnyń denesi tabyldy. Onyń neden ólgeni anyqtaldy, dep habarlaidy "Ult aqparat" Qostanai oblysy politsiia departamentiniń basshysy Beket Aimaǵambetovke silteme jasap.
Qostanai oblysy politsiia departamentiniń kriminaldyq politsiia qyzmetkerleri birneshe jyl burynǵy jasalǵan taǵy bir qylmysty ashty. Politsiia 2017 jyldan bastap habar-osharsyz ketken 29 jastaǵy oblys ortalyǵynyń turǵynyn izdestirgen.
«Ótken jyly jer úidiń káriz sýy jinalatyn jerden belgisiz er adamnyń denesiniń bólikteri tabyldy. Politsiia qyzmetkerleri qylmystyq isti tergeý jáne belgisiz máiittiń kimdiki ekenin anyqtaý úshin on jyl ishinde habar-osharsyz joǵalǵan barlyq adamdarǵa taldaý júrgizdi. Sondai-aq politseiler sońǵy bes jylda máiit tabylǵan meken-jaiǵa túsken barlyq ótinimderge taldaý jasady», – dedi B. Aimaǵambetov.
Nátijesinde onyń neden ólgeni anyqtaldy.
«Qaitys bolǵan adam úi salý kezinde birneshe jaldamaly jumysshymen tanysqan. Ishimdik ishkenniń saldarynan tóbeles shyǵyp, olar jigitti óltirgen, al máiitin káriz tundyrǵysyna laqtyrǵan. Úsh jyl buryn osy meken-jaida tóbeles bolyp jatqany týraly politsiiaǵa ótinish túsken. Barlyǵynan jaýap alynyp, politsiiaǵa jetkizilgen. Oqiǵaǵa qatysýshylardyń biriniń aiǵaqtarynda olarmen belgisiz jigit bolǵandyǵy aitylǵan. Alaida ol keiinnen tóbeles bolǵan jerden qashyp ketken delingen. Jedel-tergeý is-sharasyn júrgizý barysynda qaza tapqan adamnyń jeke basy jáne onyń óliminiń mán-jaiy anyqtaldy», – dep tolyqtyrdy politsiia departamentiniń basshysy. Kúdikti ustalyp, qamaýǵa alyndy.
