Foto: Freepik.com
Kámelet jasqa tolmaǵan úsh jasóspirim bir qyzdy aldap shaqyryp, bolǵan jaǵdaidy eshkim bilmes úshin oǵan bir qap oiynshyq bergen, dep habarlaidy "Ult aqparat" #NeMolchiKZ qoryna silteme jasap.
Qor jetekshisine qostanailyq jalǵyzbasty ana kómek surap kelgen. Onyń aitýynsha, 8, 12 jáne 13 jastaǵy jasóspirimder 5 jastaǵy qyzyn zorlaǵan.
"6 shilde kúni anasy qyzyna velosiped alyp bergen. Qyzyna tosynsyi jasaý úshin aýlada qurastyryp jatqanda qyzyn kórshi bala úidiń artyna alyp ketken. Áiel qyzyn uzaq ýaqyt izdep júredi, keiin onyń kir, uipa-tuipa kúide bir qap oiynshyq ustap kele jatqanyn kóredi. Qorqyp ketken anasy oǵan urysqan kórinedi. Bul – kóp ata-analarda jii bolatyn reaktsiia. Sondyqtan psihologiialyq jáne quqyqtyq turǵydan saýatty bolý kerek. Biraq qyz anasyna bolǵan jaǵdai týraly eshteńe aitpaǵan", – dep jazdy Dina Tańsári.
Jantúrshigerlik jaǵdai týraly 20 shilde kúni belgili boldy. Jábir kórgen qyz barlyǵyn atasyna aityp bergen. Olar birden politsiiaǵa shaǵym túsirgen. Teksere kele, kámelet jasqa tolmaǵan úsh jasóspirim qyzdy butalardyń arasyna aparyp, oǵan jynystyq sipattaǵy áreketter jasaǵany belgili boldy.
"Olar qyzdy sheshindirgen, ekeýi ustap turǵan. Qyz aiǵailap, qarsylyq kórsetkende onyń shekesinen taspen urǵan. Qyzdyń jynys múshesin ustap, qamys arasyna kirgizbek bolǵan. Keiin úsheýi jynys múshelerin qyzdyń aýzyna salýǵa májbúrlegen. Olar bolǵan jaǵdai týraly eshkim bilmes úshin qyzǵa bir qap oiynshyq bergen. Qyz barlyǵyn atasyna eki apta ótken soń aityp berdi. Qyz bar bolǵany 5 jasta, al zábir kórsetken jasóspirimderdiń jasy 8, 12 jáne 13-te", – delingen jazbada.
Politsiia saraptama taǵaiyndap, balalardan jaýap aldy. Olar óz kinásin moiyndady. Politsiia qyzmetkerleri memlekettik zańger men mektepten psihologty shaqyrtty. Jazba avtory jasóspirimderge tárbie bere almaǵan ata-anasyna aiyppul salyp qana qoimai, sot aldynda jaýapqa tartylý keregin aitty. Sondai-aq jábirlenýshi qyz ben onyń otbasyna moraldyq ziian keltirgeni úshin ótemaqy tóleýin talap etti.
