Foto: BQO ákimdigi
Sotta «NurCom Building» JShS direktoryna qatysty qylmystyq is qaraldy. Seriktestik basshysyna «qurylys jumystary kezinde qaýipsizdik erejelerin buzyp, abaisyzda adam ólimine ákep soqtyrdy» degen aiyp taǵyldy.
Qaiǵyly oqiǵa 2023 jyldyń 30 qarashasynda saǵat 13:00 shamasynda bolǵan.
Qurylys-montajdaý jumystaryn júrgizý barysynda kran mashinisi júk kótergish kranmen beton plitalaryn kótere bastaǵan. Ókinishke qarai, arqannyń uzyndyǵy durys esepke alynbai, kran qulap, kabinada otyrǵan 49 jastaǵy júrgizýshi qaitys bolǵan edi.
Keiin júk kótergish mehanizmderdi paidalaný kezinde ónerkásiptik qaýipsizdik erejelerin buzýǵa jol berilgeni anyqtalǵan bolatyn. Bolǵan oqiǵaǵa tolyǵymen jumys berýshi kináli ekeni dáleldenip, ol óz kinásin tolyq moiyndap, keltirilgen shyǵyndy ótep berdi.
Sot talqylaýy barysynda memlekettik aiyptaýshy sottalýshyny Qylmystyq kodekstiń 63-babyn (shartty túrde sottaý) qoldana otyryp, 3 jylǵa shartty túrde bas bostandyǵynan aiyrýdy surady.
Nátijesinde sot Qylmystyq kodekstiń 44-babyna (Bas bostandyǵyn shekteý) sáikes, probatsiialyq baqylaý ornatý arqyly 2 jylǵa bas bostandyǵyn shekteý jazasyn taǵaiyndady.
