Sýret: "Nasha gazeta" basylymy
Qostanaida 6 maýsymǵa qaraǵan túni eki qabatty kottedj órtenip, eki adam qaza tapty. Bul týraly jergilikti "Nasha gazeta" basylymy habarlady.
Basylym málimetinshe, órt Abai dańǵyly men Lermontov kóshesi qiylysynda ornalasqan kottedjden shyqqan. Redaktsiiaǵa joldanǵan sýretterde órt aýmaǵynan bir top adamnyń shyǵyp jatqany kórsetilgen.
Kýágerlerdiń aitýynsha, politsiia qyzmetkerleri úidiń terezelerin qaǵyp, ishtegi adamdardy oiatýǵa tyrysqan. Sonymen qatar, kottedj bólmeleri jalǵa berilgen degen boljam aityldy.
"Órt týraly habarlama saǵat 00:06-da kelip tústi. Órt ornynda birinshi deńgeili kúiik shalǵan tórt adamǵa meditsinalyq kómek kórsetildi. Sonymen qatar úidiń ishinen tórtinshi deńgeili kúiik shalǵan eki adamnyń máiiti tabyldy", - dedi densaýlyq saqtaý basqarmasynyń baspasóz hatshysy Kseniia Jylqybaeeva.
Al, tótenshe jaǵdailar departamentiniń baspasóz qyzmeti bolǵan jait týraly tolyq aqparatty keiinirek berýge ýáde etti.
