Qostanai oblysynda eki adam úsik shalyp, kóz jumdy. Bul týraly oblystyq TJD baspasóz qyzmeti habarlady.
Qostanai oblysynyń TJD mamandary aiazdy kúnderi barynsha saq bolýǵa shaqyrady.
«Asa qajettilik týyndamaǵan jaǵdaida dalaǵa shyǵýǵa, balalardy qydyrýǵa jibermeýge keńes beremiz. Kólik júrgizýshileri alys joldarǵa shyqpaǵandary jón. Qazirgi tańda oblys kóleminde úsik shalýǵa qatysty eki oqiǵa tirkeldi. Denisov jáne Áýliekól aýdanynda 1990 jáne 1968 jylǵy eki áiel kóz jumdy», - delingen baspasóz habarlamasynda.
Aita keteiik, aiazdyń kúsheiip ketýine bailanysty Qostanai oblysynyń TJD úsik shalǵan ýaqytta alǵashqy kómek kórsetý joldaryn túsindirip, aiaz kezinde adam ózin qalai saqtandyrý kerektigin eske salady.
