Qostanai oblysynda ultaralyq arazdyqty qozdyrǵan Rýdnyi turǵynyna qatysty qylmystyq is qozǵaldy, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, áleýmettik jeli arqyly taraǵan video tekserilip jatyr. Rýdnyi turǵyny ýkrainalyq blogermen bolǵan áńgime barysynda Qazaqstan Respýblikasynyń memlekettik tilin, jerin qorlap, qazaq halqynyń ar-namysyna tietin sózder aitqan. Keiinirek áleýmettik jelide onyń aty-jóni men mekenjaiy týraly málimet tarap ketti.
«Áleýmettik jelige monitoring júrgizý barysynda politseiler YouTube arnasynan atalmysh videony anyqtap, shuǵyl tekseris júrgizdi. Qazir kúdiktiniń tulǵasy anyqtalyp, tergeý sharalary bastaldy. Kúdikti 7 jylǵa deiin bas bostandyǵynan aiyrylýy múmkin», - dep málimdedi Qostanai oblysynyń politsiia departamenti.
Aita keteiik, kúdikti kóp uzamai video arqyly keshirim surady.
