Qostanai oblysynda eki sheteldik memlekettik shekarany zańsyz kesip ótpek bolǵan, dep habarlaidy QazAqparat.
Qostanai oblysy politsiia departamenti baspasóz qyzmetiniń aitýynsha, «Ýchaske» jedel-aldyn alý sharasy aiasynda Qostanai oblysynyń aýmaǵynda 1 qazan kúni politsiia qyzmetkerleri sheteldik azamattardyń zańsyz túrde QR memlekettik shekarasyn kesip ótýge daiyndalǵanyn anyqtady.
«Aqshalai syiaqyǵa Islam Aýǵan Respýblikasynyń eki azamatyn elimizdiń shekara aýdanyna jetkizýge kómektesken Qazaqstan azamaty anyqtaldy. Sheteldikterdiń bireýiniń azamattyǵyn rastaityn qujaty bolmaǵan.
Atalmysh fakti boiynsha QR azamatyna qatysty QR QK-niń 1-bólimi 394-babyna (zańsyz kóshi-qon uiymdastyrý) sáikes qylmystyq is qozǵaldy», - dedi politsiiadan.
Islam Aýǵan Respýblikasynyń azamattaryna qatysty qazirgi kezde tekserý sharalary júrip jatyr.
