Demalys jáne mereke kúnderi qutqarýshylar jolda qar qursaýynda qalǵan júzden astam adamdy qutqardy. Olardyń arasynda balalar da bar, dep habarlaidy Qostanai oblysynyń TJD.
Qostanai oblysynda demalys jáne mereke kúnderi 6 jáne 9 naýryz aralyǵynda aýa raiyna bailanysty erkertý jariialanǵan. Osyǵan bailanysty óńirdegi joldara qutqarý jumysy júrgizildi.
«6 naýryzda tańǵy saǵat 10:50-de Borovskoi-Kaskad aýdandyq joldyń 24 shaqyrymynda eki adam qutqaryldy. Qarda qalǵan kólik joldyń tazartylǵan jaǵyna shyǵaryldy. Adamdar meditsinalyq kómekti qajet etpedi. 7 naýryzda saǵat 20:45-te Arqalyqtyń №4 mamandandyrylǵan órt bólimshesine Arqalyq-Derjavinsk tasjolynyń 50 shaqyrymynda 60 jolaýshysy bar 20 avtokóliktiń jinalyp qalǵandyǵy týraly jedel habar tústi. 22:55-te jol talǵamaityn kóliktegi qutqarýshylar evakýatsiia ornyna kelip, 20 jolaýshyny qutqarǵan. Olardyń qatarynda segiz bala boldy. Qutqarylǵandar Arqalyqqa jetkizildi. Olardyń eshqaisysy jaraqat almaǵan jáne meditsinalyq kómekti qajet etpegen», - dep habarlady TJD.
Qutqarýshylar 8 naýryz – mereke kúni de adamdardy evakýaliialady. Bul kúni Arqalyqtan 90 shaqyrym jerde Jezqazǵan-Petropavl tasjolynda qar qursaýynan bes adam qutqarylyp, eki tehnika shyǵaryldy. Sonymen qatar Fýrmanovo aýylynyń mańynda «Jezqazǵan-Petropavl» respýblikalyq jolynda qar qursaýynan 20 adam shyǵaryldy. Jolaýshylar Arqalyqqa ystyq tamaq beriletin jylytý pýnktine jetkizildi.
«9 naýryzda 1983 jylǵy azamatsha otbasymen birge Jetiqara-Chaikovskii tasjolynda turyp qalǵandyǵy týraly habarlady. Olarǵa jaqyn jerde taǵy bir adam jolda qalǵan. Qutqarýshylar jolaýshylardy aman-esen Jitiqara qalasyna jetkizdi. Taǵy da bul kúni Áýliekól aýylynan 38 shaqyrym jerde «Áýliekól-Moskalevka» avtojolynda tórt adam qutqaryldy», - dep málimdedi vedomstvoda.
Oblystyń TJD azamattardan aýa raiy qolaisyz kezde úiden shyqpai, eldi mekenderden alys ketpeýin suraidy.
