Qostanai oblysynyń Jitiqara qalasynda órtten áiel eki eresek balasy jáne nemeresimen mert boldy, dep habarlaidy QazAqparat.
20 maýsymda saǵat 01:54-te Jitiqaradaǵy №12 órt sóndirý bólimine Komsomolskaia kóshesiniń boiynda turǵyn úiden órt shyqqany týraly habar túsken.
Kýágerler 102 qyzmetine qońyraý shalyp, turǵyn úidiń órtenip jatqanyn habarlaǵan.
«50 sharshy metr aýmaqta aǵash dáliz, kireberis pen úi tóbesiniń jabyndysy tolyqtai janǵan. Órt 02:26-da aýyzdyqtalyp, 02:54-te sóndirildi. Órt sóndirý kezinde oqiǵa ornynan 63 jastaǵy úi iesi áieldiń 39 jáne 36 jastaǵy uly men qyzynyń jáne 2 jasar nemeresiniń máiiti tabyldy. Órttiń neden shyqqany anyqtalyp jatyr», - dedi TJD-dan.
Oqiǵa ornynda tergeýshiler men oblystyq TJD mamandary jumys istep jatyr.
