Qostanai oblysynda orman órti kezinde úileri órtenip ketken otbasylar bankten million teńge kómek alady, - dep habarlaidy Tengrinews.kz agenttigi Halyk Bank baspasóz qyzmetine silteme jasap.
Baspasóz qyzmeti málimetinshe, bank Qostanai oblysynda úileri órtenip ketken turǵyndarǵa 1 million teńge kóleminde qarjylai kómek jiberedi. Úiinen aiyrylǵan adamdar kúsh jinap, alǵan qarajatty eń qajet zattaryna - turǵyn úidi jalǵa alýǵa, kiim-keshek, tamaq pen taýar satyp alýǵa jumsai alady.
Sonymen qatar, bank basshylyǵy úileri janyp ketken adamdardyń Halyk Bank-tegi nesielerin esepten shyǵarý týraly sheshim qabyldady.
Bank basshylyǵy men ujymy Ozernoe, Lesnoe, Amanqaraǵai aýyldarynyń órt saldarynan zardap shekken turǵyndaryna janashyrlyq bildirip, bári jaqyn arada óz ornyna keledi degen senim bildiredi.
