2 qyrkúiekte Qostanai aýdanynyń politsiia bólimine Rýdnyi-Qashar kúre jolynda, Ýlianovka aýylynan 15 shaqyrym jerde úsh kóliktiń qatysýymen jol-kólik oqiǵasy oryn alǵany týraly habarlama kelip tústi. Bul týraly "Ult aqparat" Alau.kz aqparat portalyna silteme jasap habarlaidy.
Oqiǵanyń mán-jaiyn anyqtaý kezinde Rýdnyi-Qashar kúre jolymen Fedorov aýdanyna qarai Volkswagen Polo markaly kólikti júrgizgen 51 jastaǵy júrgizýshiniń ózimen jol-jónekei kele jatqan KamAZ kóligin basyp ozý kezinde qaýipsizdik erejecin saqtamai, qarsy jolda kele jatqan «Ford» markaly kólikpen soqtyǵysyp, odan keiin KamAZben soqtyǵysqany belgili boldy.
Jol apaty saldarynan 30 tonna qarbyz tielgen KamAZ jol jiegine aýdaryldy.
Atalǵan fakti boiynsha material jinaldy. Qaza tapqandar men zardap shekkender joq. Politsiia qyzmetkerleri júk kóligin joldyń jieginen shyǵarýǵa túnge deiin kómektesti.
