«Áýliekól-Joldama» kúre joly ýchaskesiniń jarym-jartylai buzylýy jóndelip, ondaǵy qozǵalys qalpyna keltirildi. Bul týraly Qostanai oblysy Jolaýshylar tasymaly jáne avtomobil joldary basqarmasy habarlady.
Vedomstvo basshysynyń orynbasary Bolat Seidahmetovtiń málimdeýinshe, ótkizý qubyry isten shyǵyp, joldyń bir bóligi opyrylyp túsken.
«Biz joldy qalpyna keltirip, ýchaskedegi qozǵalysty ashtyq. Onda arnaiy belgiler ornatylyp, merdiger uiymdar kezekshilik atqaryp otyr. Sondai-aq, Qostanai aýdanyndaǵy Sadchikovka men Sergeevka arasyndaǵy jol ýchaskesiniń jiegi shaiylyp ketken, ondaǵy biiktik 4 metr boldy. Qozǵalys 11 sáýirde qalpyna keltirildi. Merdiger uiymdar ol jerge qum ákelip tókti», - dep atap ótti ol.
Qazirgi kezde bul ýchaskelerde baqylaý jumystary júrgizilýde. 12 sáýirdiń tańynda jergilikti jáne oblystyq mańyzy bar barlyq jol ýchaskeleri ashyldy.
