Qostanai oblystyq densaýlyq saqtaý basqarmasynyń baspasóz qyzmeti aiý tistep alǵan qyzdyń jasandy es-tússiz jatqanyn aitty, dep habarlaidy QazAqparat.
Vedomstvonyń málimetinshe, keńeitilgen konsiliým ótkizilgen.
«Konsiliým qan tamyrlary hirýrgtarynyń qatysýymen jáne QR Densaýlyq saqtaý ministrliginiń shtattan tys bas travmatology Bolat Naǵimanovpen beinebailanys arqyly ótkizildi. Ári qarai emdeý taktikasy talqylandy. Qyz ókpeni jasandy jeldetý apparatyna qosyldy, jasandy komada reanimatsiiada jatyr», - dep habarlady basqarma.
Eske sala keteiik, Qostanai aýdanynda demalys ornynda 5 jasar qyzdy aiý tistep alǵan bolatyn. Keiinirek qyzǵa ota jasalǵany, jaǵdaiy óte aýyr ekeni belgili boldy.
