Qostanai oblysynyń TJD áleýmettik jelide jariialanǵan aýdandardyń birindegi erigen sý basyp ketken kópirdiń videosyna qatysty túsinikteme berdi, dep habarlaidy "Ult aqparat".
«Beiimbet Mailin aýdanynda erigen qar sýy turǵyndar ózder turǵyzǵan kópirdi basyp ketti. Ótkel 50 turǵyny bar, aýdan ortalyǵynan 10 shaqyrym jerde ornalasqan Jýravlevka aýylyna aparady, Bul jaǵdai jyl saiyn qaitalanady. Eldi meken men turǵyndarǵa eshqandai qaýip týdyrmaidy. Eldi mekender arasyndaǵy qatynas buzylǵan joq, 250 shaqyrymdai jerde ainalyp baratyn jol bar», - dep habarlady TJD ókili.
Sonymen qatar qaýipsizdik maqsatynda bul ýchaskede jergilikti politsiia qyzmeti jáne TJ qyzmetkerlerinen beket qoiyldy. Tyiym salý belgisi ornatylyp, jaryq shaǵylystyratyn baý tartylǵan.
TJD búgin tús shamasynda sý deńgeiiniń tómendegenin habarlady.
