Qostanai oblysynyń ákimi Arhimed Muhambetov koronavirýs infektsiiasyna qatysty óńirdegi ahýaldy baiandady, dep habarlaidy "Ult aqparat".
Osy jyldyń 8 shildesindegi jaǵdai boiynsha koronavirýs infektsiiasyn juqtyrýdyń 1203 jaǵdaiy tirkeldi. Onyń ishinde 625 – simptomdyq, 578 – simptomsyz. 359 adam aýrýynan jazylyp shyqqan.
«Ókinishke qarai, koronavirýs infektsiiasynan ólim-jitimniń 6 jaǵdaiy tirkeldi. Syrqattanǵandardyń 56% profilaktikalyq zertteýler júrgizý barysynda aýrýǵa shaldyqqandarmen qarym-qatynasta bolǵany belgili boldy. Naýqastardyń deni meditsinalyq mekemelerge ózderi júgingen kezde anyqtalǵan. Meditsina qyzmetkerleri arasynda koronavirýs infektsiiasyna shaldyǵý jaǵdailary alańdatady. Qazirgi ýaqytta osyndai 81 oqiǵa tirkeldi. Onyń ishinde 26 dáriger, 55 orta jáne kishi býyn meditsina qyzmetkeri bar. Ondaǵy 7 meditsina qyzmetkeri koronavirýsqa qarsy is-sharalarǵa qatysqan»,- dep atap ótti oblys basshysy brifing barysynda.
Óńirde koronavirýs infektsiiasynyń diagnostikasy 5 zerthana bazasynda («Ulttyq saraptama ortalyǵy» sharýashylyq júrgizý quqyǵyndaǵy respýblikalyq memlekettik kásiporny filialynyń zerthanalary, «Olimp» klinikalyq-diagnostikalyq ortalyǵy jáne Ahmet Baitursynov atyndaǵy Qostanai memlekettik ýniversiteti bazasyndaǵy zerthana) júrgiziledi. Jalpy munda táýligine 2000-ǵa jýyq test alynady. Osyǵan deiin zerthanalarda barlyǵy 46 myńǵa jýyq zertteý júzege asyrylǵan.
