"Nasha Gazeta" basylymynyń Instagram-paraqshasynda tórt kún izdestirilgen bes jasar Mádina Erlanqyzynyń máiiti tabylǵan jerden kadrlar jariialandy, - dep habarlaidy Massaget.kz.
"Munda barlyǵyn qorshap tastaǵan, turǵyndardy shyǵaryp jatyr. Ana kólik turǵan jerden tabyldy", - deidi video avtory. Bul eriktilerdiń biri bolsa kerek.
Eske salaiyq, buǵan deiin Qostanai oblysynda 7 tamyzda úiinen shyǵyp ketken 5 jasar qyz izdestirilip jatqany habarlanǵan. Mádina keshe, 10 tamyzda óli tabyldy. Izdeý jumystaryna 500-den asa politsei, tikushaqtar, sondai-aq Ulttyq ulan men shekaradaǵy áskeri qyzmetkerler jumyldyryldy.
Myńdaǵan adam qyzdy Jambyl aýylyna irgeles egistik alqaptardan izdedi.
