Foto: Tengrinews.kz / Týrar Kazangapov
Qostanaidan Almatyǵa ushyp shyqqan FlyArystan áýekompaniiasynyń reisi bortynda er adam qaza tapty, - dep habarlaidy "Kostanaiskie novosti" basylymy.
Áýekompaniiasy Qostanai-Almaty baǵytyndaǵy KS7141 reisi kezinde jolaýshylardyń biriniń jaǵdaiy nasharlaǵanyn habarlady. Osyǵan bailanysty ushaq Astanaǵa shuǵyl qonǵan.
Bortserikter jolaýshynyń tamyr soǵysy men tynys alýyn teksergen, biraq tirshilik belgisin tappaǵan. Nusqaýlarǵa sáikes ekipaj alǵashqy meditsinalyq kómek kórsetýdi bastap, bortta dáriger izdeýge kiristi. Sodan keiin stiýardessalar dárigermen birge defibrilliator arqyly júrek-ókpe reanimatsiiasyn jasaǵan.
"Komandirdiń sheshimi boiynsha, jolaýshyǵa meditsinalyq kómek kórsetý úshin ushaq Astana áýejaiyna shuǵyl qondy. Áýekompaniiasynyń bortserikteri áýejaiǵa kelgenshe júrek-ókpe reanimatsiiasyn jalǵastyrdy. Ókinishke qarai, Astana áýejaiynyń dárigeri jolaýshynyń qaitys bolǵanyn rastady. Áýekompaniiasy jolaýshynyń týystary men jaqyndaryna qaiǵyryp kóńil aitady", - delingen áýekompaniiasynyń habarlamasynda.
