فوتو: Tengrinews.kz / تۋرار كازانگاپوۆ
قوستانايدان الماتىعا ۇشىپ شىققان FlyArystan ەۋەكومپانيياسىنىڭ رەيسٸ بورتىندا ەر ادام قازا تاپتى, - دەپ حابارلايدى "كوستانايسكيە نوۆوستي" باسىلىمى.
ەۋەكومپانيياسى قوستاناي-الماتى باعىتىنداعى KS7141 رەيسٸ كەزٸندە جولاۋشىلاردىڭ بٸرٸنٸڭ جاعدايى ناشارلاعانىن حابارلادى. وسىعان بايلانىستى ۇشاق استاناعا شۇعىل قونعان.
بورتسەرٸكتەر جولاۋشىنىڭ تامىر سوعىسى مەن تىنىس الۋىن تەكسەرگەن, بٸراق تٸرشٸلٸك بەلگٸسٸن تاپپاعان. نۇسقاۋلارعا سەيكەس ەكيپاج العاشقى مەديتسينالىق كٶمەك كٶرسەتۋدٸ باستاپ, بورتتا دەرٸگەر ٸزدەۋگە كٸرٸستٸ. سودان كەيٸن ستيۋاردەسسالار دەرٸگەرمەن بٸرگە دەفيبريللياتور ارقىلى جٷرەك-ٶكپە رەانيماتسيياسىن جاساعان.
"كومانديردٸڭ شەشٸمٸ بويىنشا, جولاۋشىعا مەديتسينالىق كٶمەك كٶرسەتۋ ٷشٸن ۇشاق استانا ەۋەجايىنا شۇعىل قوندى. ەۋەكومپانيياسىنىڭ بورتسەرٸكتەرٸ ەۋەجايعا كەلگەنشە جٷرەك-ٶكپە رەانيماتسيياسىن جالعاستىردى. ٶكٸنٸشكە قاراي, استانا ەۋەجايىنىڭ دەرٸگەرٸ جولاۋشىنىڭ قايتىس بولعانىن راستادى. ەۋەكومپانيياسى جولاۋشىنىڭ تۋىستارى مەن جاقىندارىنا قايعىرىپ كٶڭٸل ايتادى", - دەلٸنگەن ەۋەكومپانيياسىنىڭ حابارلاماسىندا.
