Tselinograd aýdanynyń Qosshy aýlyndaǵy apat elektrmen jabdyqtaý jelisiniń 95 paiyzy tozýynan bolǵan, dep habarlaidy "Ult aqparat" Aqmola oblystyq energetika jáne turǵyn úi-kommýnaldyq basqarmasyna silteme jasap.
Vedomstvonyń málimetinshe, apat Qosshy aýylynyń «Lesnaia poliana» shaǵynaýdanynda «Soltústik» qosalqy stantsiiasynan bastap, 3-inshi Taratqysh transformatorly qosalqy stantsiiasyna deiingi 10 kV kabel jelisinde oryn alǵan.
Sáýirdiń 22-nen 23-ne qaraǵan túni jergilikti kommýnaldyq qyzmetterdiń kúshimen kabel jelisiniń apat bolǵan tusy anyqtalyp, búlingen kabel aýystyryldy. Sáýirdiń 23-de túngi saǵat 02:10-da shtattan tys jaǵdai rettelip, «Lesnaia poliana» shaǵyn aýdany men jeke sektorlardaǵy turǵyn úilerge jaryq berildi.
Energetika jáne turǵyn úi-kommýnaldyq basqarmasynan atap ótkendei, atalmysh aýmaqta elektrmen jabdyqtaý júiesiniń qalypty jumys isteýi úshin kabel jelisine kúrdeli jóndeý jumystaryn júrgizý boiynsha jobalyq-smetalyq qujattama ázirlengen.
«Osy maqsatta ótken jyly oblystyq biýdjetten qarjy bólindi. Elektrmen jabdyqtaý jelisiniń tozǵandyǵy eskerilip, tamyz aiynda aiaqtaý josparlanǵan qurylys-montajdaý jumystary mamyr aiyna aýystyryldy. Bul jobany júzege asyrý Qosshy aýylyndaǵy «Lesnaia poliana» shaǵynaýdanynyń turǵyndaryn úzdiksiz elektr energiiasymen qamtamasyz etýge múmkindik beredi», - dedi basqarma basshysy Ivan Iýrchenko.
Aitalyq, elektrmen jabdyqtaý júiesiniń tozýy saldarynan atalmysh kabel jelisinde 19-21 sáýir kúnderi de apat bolǵan. Osynyń saldarynan Qosshydaǵy birqatar turǵyn úiler jaryqsyz qalǵan edi.
