Aqmola oblysynda 3 jasar bala terezeden qulap ketti, – dep habarlaidy Polisia.kz.
Oqiǵa Tselinograd aýdanynyń Qosshy qalasynda bolǵan. 21 mamyrda Nur-sultan qalasy balalar aýrýhanasynyń neirohirýrgiia bólimshesine 2019 jyly týǵan Qosshy qalasynyń turǵyny jatqyzyldy.
Tekserý barysynda osy jyldyń 21 mamyrynda saǵat 16:00 shamasynda 3 jasar balanyń abaisyzda tórtinshi qabattan qulap ketkeni anyqtaldy.
Bul kezde balanyń anasy úidiń janyndaǵy azyq-túlik dúkeninde bolǵan.
"Odan ári tekserý barysynda oqiǵanyń sebepteri men mán-jailary anyqtalmaq. Tekserý qorytyndysy boiynsha negizdemeler bolǵan jaǵdaida den qoiý sharalary qabyldanatyn bolady. Otbasy aldyn alý júiesi organdarynda esepte turmaidy. Bul otbasynda eki bala tárbielenip jatyr" - delingen portal málimetinde.
– Qurmetti ata-analar, sizden jas balalardyń qaýipsizdigi týraly kezekti ret qamqorlyq jasaýdy, balalardy terezeleri ashyq bólmelerde jalǵyz qaldyrý jaǵdailaryn boldyrmaýdy, tereze jaqtaýlaryna olardyń óz betinshe ashylý múmkindigin boldyrmaityn buǵattaý qurylǵylaryn ornatýdy, balalardyń tereze aldy taqtailarynda baqylaýsyz bolý múmkindigin boldyrmaýdy, balalarmen túsindirý áńgimelerin júrgizýdi suraimyz, – deidi politseiler.
