Foto: Qonaev ákimdigi
Sh.Aimanov atyndaǵy «Qazaqfilm» Ulttyq kinostýdiiasy ielik etken Kóshpendiler qalashyǵy Qonaev qalasynyń menshigine berildi, dep habarlaidy qala ákimdiginiń baspasóz qyzmeti.
Qonaev ákimdiginiń málimetinshe, qazirgi tańda qalashyq eskirip, keibir jabdyqtary synyp, bastapqy kelbetin joǵaltqan. Sondyqtan kelissózderden keiin kinostýdiia dekoratsiialyq keshendi Qonaev qalasyna syiǵa tartqan.
Nysan aýmaǵy – 5,8 gektar, Ile ózeniniń sol jaq jaǵalaýynda ornalasqan.
– Endi qalashyq TÚKSh bólimine qarasty bolady. Aldaǵy ýaqytta bul aýmaqty týrizm baǵytynda damytý kózdelip otyr. Sondai-aq ony kútip ustaýǵa, aǵymdaǵy jóndeý jasaýǵa biýdjetten qarjy qarastyrylady.Búginde infraqurylymdy damytý maqsatynda jumystar bastalǵan. Qalashyqqa aparatyn kúre jol salynyp jatyr, - dep habarlady ákimdikten.
