Memlekettik hatshy Qyrymbek Kósherbaevtyń tóraǵalyǵymen beine konferents bailanys rejiminde Qazaqstan Respýblikasy Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysy ótti, dep habarlaidy "Ult aqparat" Aqordanyń baspasóz qyzmetine silteme jasap.
Memlekettik hatshy Qyrymbek Kósherbaevtyń tóraǵalyǵymen beine konferents bailanys rejiminde Qazaqstan Respýblikasy Prezidenti janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysy ótti.
Otyrysta eki másele talqylandy: «Memlekettik organdar qabyldap jatqan kóleńkeli ekonomikaǵa qarsy is-qimyl jónindegi sharalardyń tiimdiligi týraly» jáne «Memlekettik baqylaý men qadaǵalaýdy odan ári jetildirý, baqylaý obektilerin monitoringileýdiń tiimdi tetikterin jáne buzýshylyqtardy anyqtaýdyń pármendi ólshemsharttaryn engizý».
Jiynda Ulttyq banktiń, Bas prokýratýranyń, Sybailas jemqorlyqqa qarsy is-qimyl agenttiginiń, Qarjy naryǵyn retteý jáne damytý agenttiginiń, Qarjy, Ulttyq ekonomika, Densaýlyq saqtaý ministrlikteriniń birinshi basshylarynyń, sondai-aq Kásipkerlerdiń quqyqtaryn qorǵaý jónindegi ýákildiń baiandamalary tyńdaldy.
Birinshi máseleni qaraý kezinde kóleńkeli ekonomikanyń memleketterdiń damýyna teris áseri, olardyń ekonomikalyq qaýipsizdigine qater tónýi jáne sybailas jemqorlyq kórinisterimen tyǵyz ózara bailanysy talqylandy.
Atap aitqanda, jekelegen saraptamalyq baǵalaýlar boiynsha elimizde kóleńkeli ekonomikanyń kólemi JIÓ-niń 20%-nan asady.
Osyǵan bailanysty ony tómendetý boiynsha birqatar sharalar qabyldanýda, onyń ishinde, 2019-2021 jyldarǵa arnalǵan Kóleńkeli ekonomikaǵa qarsy is-qimyl jónindegi qabyldanǵan is-sharalar jospary, salyqtyq jáne kedendik ákimshilendirýdi jetildirý, memlekettik satyp alýǵa qatysýshylardy qazynashylyq súiemeldeýdi engizý, qolma-qol aqshasyz tólemderdiń infraqurylymyn damytý máseleleri qolǵa alynǵan.
Memleket basshysynyń tapsyrmasyn iske asyrý sheńberinde jeke jáne zańdy tulǵalardyń shottardan qolma-qol aqsha alý úshin somalardyń shekterin belgilegen normativtik quqyqtyq aktiler qabyldandy.
Qolma-qol aqshasyz tólemderdi paidalanýdy keńeitý jáne banktik emes tólem júielerin damytý jónindegi 2020-2021 jyldarǵa arnalǵan Jol kartasy bekitildi.
Quqyq qorǵaý jáne arnaiy organdar jedel aldyn alý is-sharalaryn jáne Kóleńkeli ekonomikaǵa qarsy is-qimyl jónindegi birlesken jospardy iske asyrýda.
Qabyldanǵan sharalar bólshek sektorda qolma-qol aqshasyz tólemderdiń ósýine qol jetkizdi.
Sonymen qatar jyl saiyn aqshalai qarajatty qolma-qol aqshaǵa ainaldyrýdyń jiyntyq kólemi ósýde.
Osyǵan bailanysty Prezidenttiń «Igilik barshaǵa! Sabaqtastyq. Ádildik. Órleý» sailaýaldy baǵdarlamasy men «Birge» jalpyulttyq aktsiiasy barysynda alynǵan usynystardy iske asyrý jónindegi sharalar Is-qimyl josparymen memlekettik organdardyń aldyna kóleńkeli ekonomika deńgeiin 2021 jylǵa qarai EYDU elderiniń kórsetkishine deiin, iaǵni, 15-17%-ǵa tómendetý mindeti qoiyldy.
Ekinshi máseleni qaraý kezinde onyń kásipkerlerdiń quqyqtaryn qorǵaý salasymen tyǵyz bailanysy atap ótildi, onyń sheńberinde úlken maqsatty jumys júrgizilýde, al 2019 jylǵy 11 jeltoqsanda biznesti zańsyz ákimshilik qysymnan jáne qylmystyq qýdalaý qaýpinen qorǵaý problemalary Prezident janyndaǵy Sybailas jemqorlyqqa qarsy is-qimyl máseleleri jónindegi komissiianyń otyrysynda qaraldy.
Memlekettik baqylaý jáne qadaǵalaý júiesin jańǵyrtý Qazaqstan Respýblikasynyń 2025 jylǵa deiingi Strategiialyq damý josparynda, Kásipkerlik qyzmetti memlekettik retteýdiń 2020 jylǵa deiingi tujyrymdamasynda jáne «Tsifrlyq Qazaqstan» memlekettik baǵdarlamasynda kózdelgen.
Bul baǵdarlamalyq qujattar tekserýlerdi qysqartýdy, baqylaý fýnktsiialarynyń qaitalanýyn boldyrmaýdy, táýekelderdi basqarý júielerin avtomattandyrýdy, anyqtaý men jazalaýdan aldyn alýǵa jáne retteýshilik talaptardy erikti oryndaýǵa qaita baǵdarlaýdy jáne basqalardy kózdeidi.
Qabyldanǵan sharalardyń barlyq spektri kópjyldyq, eskirgen praktikany, sondai-aq, memlekettik baqylaý jáne qadaǵalaý salasyndaǵy kózqarastar men tásilderdi aitarlyqtai ózgertýge múmkindik berdi.
Sonymen qatar olar atalǵan salada jetildirýdi qamtamasyz etý úshin áli de jetkiliksiz, al tsifrlandyrý salasyndaǵy progress biznes-sýbektilerdiń qyzmetine aralaspai monitoringtiń tiimdi tetikterin engizýge múmkindik beredi.
Sondai-aq qaralatyn máseleniń ózektiligin kásipkerlerdiń Prezident Ákimshiligine túsip jatqan shaǵymdary, «Atameken» Ulttyq Kásipkerler palatasy men biznes-ombýdsmenniń pozitsiialary kýálandyrady.
Otyrys qorytyndysy boiynsha Memlekettik hatshy Q.Kósherbaev kóleńkeli ekonomikaǵa tiisti qarsy is-qimyldy qamtamasyz etý, sondai-aq, Memleket basshysynyń talaptary men baǵdarlamalyq qujattar aiasynda memlekettik baqylaý men qadaǵalaýdy jetildirý jóninde tapsyrmalar berdi.
