Koronavirýstyń jańa «omikron» shtammy derttiń jańadan órshýine ákelýi múmkin. Bul týraly Óńirlik kommýnikatsiialar qyzmetindegi brifinginde Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova aitty, dep habarlaidy QazAqparat.
Ásel Qalyqova megapolis «jasyl» aimaqta ornalasqanyna qaramastan, sońǵy aptada koronavirýs infektsiianyń 641 jaǵdaiy tirkelgenin atap ótti. Ótken táýlikte 34 adamnan infektsiia anyqtaldy.
Spiker búkil álemde epidemiologiialyq jaǵdai nasharlap, qatań karantin rejimi qaita engizilgenin tilge tiek etti.
«Sondyqtan halyqty, ásirese qarttardy, sozylmaly aýrýlary bar adamdardy, jasóspirimderdi, júkti áielderdi vaktsinalaýdy ulǵaitý qajet. Almatynyń barlyq turǵyndary elde «omikron» shtammnyń paida bolýyna jáne taralýyna jol bermeý úshin, ásirese demalys jáne mereke kúnderi adamdar kóp jinalatyn oryndardan aýlaq bolýlaryna kúsh salý qajet. Koronavirýstyń jańa «omikron» shtammy aýyr zardaptarmen derttiń jańadan órshýine ákelýi múmkin», - dedi Ásel Qalyqova.
Epidemiolog «omikron» jaǵdailary Afrikanyń 8 elinde (OAR, Botsvana, Lesoto, Namibiia, Zimbabve, Mozambik, Esvatini, Tanzaniia), sondai-aq Belgiiada, Izrailde, Gonkongta, Germaniiada, Chehiiada jáne Ulybritaniiada tirkelgenin aitty.
«Omikron» aldyńǵy nusqalardan kóptegen jańa mýtatsiialarmen erekshelenedi. Onyń Qazaqstanǵa ákelinýine jol bermeý maqsatynda vedomstvoaralyq komissiia 3 jeltoqsannan bastap Botsvana, OAR, Lesoto, Namibiia, Zimbabve, Mozambik, Malavi, Madagaskar, Esvitini, Tanzaniia jáne Gonkongtan shetel azamattarynyń Qazaqstanǵa kirýin shekteý týraly sheshim qabyldady», - dep atap ótti ol.
