Búgin Úkimet otyrysynda QR Densaýlyq saqtaý ministri Aleksei Tsoi koronavirýstyń jańa shtamdarynyń qaýpi týraly aitty, dep habarlaidy QazAqparat.
«Dúniejúzilik densaýlyq saqtaý uiymynyń málimetterine sáikes, britandyq shtamm álemniń 130, ontústikafrikalyq shtamm 80 jáne braziliialyq shtam 45 elinde anyqtaldy. Jańa mýtatsiialardy anyqtaý maqsatynda biz respýblka aýmaǵynda ainalymda júrgen KVI shtamdaryn genetikalyq zerdeleýdi turaqty negize júrgizip jatyrmyz. Máselen, naýryzda respýblika aýmaǵynda britandyq jáne ońtústikafrikalyq shtamdardyń ainalymy anyqtaldy», - dedi ol.
Ministrdiń atap ótýinshe, taiaýda júrgizilgen zertteýlerge sáikes, koronavirýstyń britandyq shtammy bastapqy shtammǵa qaraǵanda qaýipti. Ony juqtyrǵan adamdardyń aýrýhana jatýy kóbirek kezdesedi ári ólim-jitim qaýpi de joǵary bolyp otyr,
«Braziliialyq shtamm ólim-jitimge kóp ákele bermeidi. Degenmen, ol COVID-19-dyń bastapqy shtamyna qaraǵanda jeńil taralady. Sonymen qatar koronavirýstyń britandyq shtamy ótken jylǵy shtamen salystyrǵanda 1,7 ese, ońtústikafrikalyq shtamǵa qaraǵanda, 1,5 ese, al braziliialyq shtammǵa qaraǵanda 2 ese jyldam taralady. Buǵan qosa, reprodýktivtilik sany 1,1-den 1,9-ǵa deiin artýy múmkin. Bul atalǵan shtammdardyń birtindep basym bola túsýine alyp keledi», - dedi Aleksei Tsoi.
Sonymen qatar ol Úkimettiń 2020 jyldan bastap qabyldaǵan shekteý is-sharalary 6 ai boiy virýstyń jańa shtammdarynyń elimizge ákelinýine tosqaýyl bola aldy.
«Jańa shtammdardy monitoringileý jalǵasýda», - dedi ol.
