Koronavirýstyń «britandyq» shtammy COVID-19 pandemiiasynyń jańa tolqynynyń bastaýy bolýy múmkin. Wellcome Trust qory men Bazel ýniversiteti qyzmetkerleriniń pikirinshe, bul qubylysty tek qatań shekteý sharalary toqtata alady eken. Bul týraly Qazaqstanda koronavirýstyń taralýyna jol bermeý jónindegi VAK jumysy týraly telegram kanaly habarlady.
B.1.1.7 shtammy ádettegiden 50-70% juqpaly bolyp keletindigi belgili. Ǵalymdar atalǵan shtammnyń adam densaýlyǵyna qaýiptiligi áli dáleldenbegenine qaramastan, onyń joǵary juqpalylyǵy alańdaýshylyq týǵyzady.
Mýtatsiia taralǵan elderde qaiǵyly gipoteza qazirdiń ózinde rastalýda. Irlandiiada COVID-19 juqtyrǵandardyń tórtten birinde B.1.1.7 shtammy anyqtalǵan. Daniiada da osyndai jaǵdai oryn alýda.
Sonymen qatar, ǵalymdar Ońtústik Afrikada paida bolǵan B.1.351 dep atalǵan jańa mýtatsiiasyna zertteý jumystaryn júrgizip jatyr.
Eske salsaq, Ulybritaniiada B.1.1.7 ataýly koronavirýstyń jańa shtamy anyqtaldy. Keiin ol álemniń 41 eline jáne Reseige tarap úlgerdi.
