Koronavirýstyń aýyr túrine shaldyqqan adamdardyń este saqtaý qabileti tómendeidi. Bul týraly neirohirýrg Myńjylqy Berdihodjaev málim etti, dep jazady QazAqparat.
«Koronavirýstyń aýyr túrine shaldyqqan naýqastarda ottegi jetispeidi. Saldarynan ol nervtik júielerge, onyń ishinde midyń jumysyna teris áser etedi. Sondyqtan dertti aýyr ótkergen adamdardyń este saqtaý jady nasharlaidy. Bul naýqastardyń jas ereksheligine qaramaidy. Degenmen, atalǵan patologiia koronavirýsqa shaldyqqandardyń 10%-da ǵana kezdesedi. Sondai-aq indet dám, iis sezý músheleriniń nervtiń júielerin zaqymdaidy. Odan tolyq saýyǵý úshin keminde 2 ai, al eń uzaq degende 6 ai ýaqyt kerek. Keibir derekter boiynsha, iis sezý múshesi dertten aiyqqan soń da múlde qalpyna kelmeýi múmkin», - dedi neirohirýrg Myńjylqy Berdihodjaev.
Sonymen qatar, neirohirýrg koronavirýspen aýyrǵan adamdardyń tolyq saýyǵýy úshin qoldanylýy tiis sharalar týraly aityp berdi.
«Infektsiianyń jeńil túrimen aýyrǵan azamattardyń ókpesi shamamen 6 ai kóleminde tolyq qalpyna keledi. Al aýyr túrine shaldyqqandardy emdeýge odan da kóp ýaqyt ketedi. Oǵan qosa, em-domnan keiin olardyń ókpesinde tyrtyq qalady. Sondyqtan bul kategoriiadaǵy naýqastarǵa erekshe kútim qajet. Sebebi olardyń immýniteti nashar, tiisinshe onyń ózge de aýrýlardy juqtyrýy qaýiptiligi joǵary. Mundai adamdarǵa jeńil gimnastikamen ainalysqan, qosymsha V1, V6, V12 jáne D dárýmenderin ishken óte tiimdi. Júgirý, sekirý jáne t.b. aýyr jattyǵýlar jasaýdyń qajeti joq. Olardyń ókpesi kóp kúsh túsetin qimyldarǵa áli daiyn emes. Eń paidalysy - karaokemen án aitý. Bul sátte ókpede vibratsiia bolady. Ol kletkalardy tez qalypqa keltiredi jáne án aitqan adamnyń kóńili kóteriledi», - dep atap ótti Myńjylqy Berdihodjaev.
