Koronavirýs infektsiiasyn qaita juqtyrý derekterine bailanysty elimizdiń Densaýlyq saqtaý ministrligi salystyrmaly tekserý júrgizip jatyr.
Bul jaiynda QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova aitty, dep habarlaidy QazAqparat.
«Shynymen de búginde tipti ádebietterdiń ózinde qaita juqtyrý jaǵdailarynyń oryn alýy múmkin ekendigi týraly málimetter paida bola bastady. Bul koronavirýstyń jańa mýtatsiiaǵa ushyraǵan túrleriniń ainalymǵa túsýimen bailanysty bolýy yqtimal. Qazirgi ýaqytta simptomdy nemese simptomsyz jaǵdailardyń qaitalaný sany qansha, osy aýrýlar arasyndaǵy interval qandai ekendigin túsiný úshin aqparattyq júiemen salystyryp tekserý júrgizip jatyrmyz», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, salystyryp tekserýdiń nátijesin koronavirýstyń qaita juqtyrý múmkindigi týraly naqty derek paida bolady.
«Meditsinalyq ádebietterge sáikes, úsh aiǵa deiin oń nátije berýi múmkin virýs jaryqshaqtary bolýy da yqtimal. Tiri virýs bolmaǵanymen óte sezimtal PTR testileý virýs tuqymnyń kishkentai ýchaskesin anyqtaýy múmkin. Sondyqtan da salystyryp tekserý júrgizilip jatyr», - dedi komitet tóraǵasy.
