Eýraziialyq ekonomikalyq komissiia Keńesi koronavirýstyq infektsiianyń taralýynyń aldyn alý jáne boldyrmaý úshin paidalanylatyn keibir taýarlarǵa baj salyǵynsyz ákelý merzimin uzartý týraly sheshim qabyldady.
Tariftik jeńildik 2021 jylǵy 1 qazannan 31 naýryzǵa deiingi merzimge uzartylady, de habaraidy "Ult aqparat" Saýda jáne integratsiia ministrliginiń baspasóz qyzmetine silteme jasap.
Atap aitqanda, EAEO-ǵa múshe memlekettiń ýákiletti organy bergen ákelinetin taýarlardyń nysanaly maqsaty rastalǵan kezde vaktsinalardy, dári-dármekter men qorǵanysh quraldaryn (maskalar, dezinfektsiialaý quraldary, qolǵaptar jáne t.b.) óndirýge arnalǵan shikizatty, sondai-aq koronavirýstyq infektsiiany emdeýge jáne aldyn alýǵa arnalǵan ártúrli apparatýralardy bajsyz importtaýǵa jol beriledi.
«Atalǵan tariftik jeńildiktiń jarty jyldyq uzartylýy koronavirýspen kúresý úshin qajetti ónimdi importtaý kezinde kedendik bajdardy tóleý boiynsha shyǵyndardy azaitýǵa múmkindik beredi», – dep atap ótti Saýda jáne integratsiia vitse-ministri Janel Kýshýkova.
Keńestiń sheshimi resmi jariialanǵan kúninen bastap kúntizbelik 10 kún ótken soń kúshine enedi jáne 1 qazannan bastap týyndaǵan quqyqtyq qatynastarǵa qoldanylady.
