Qosymsha 14,5 mln shprits satyp alynady. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Osy jyldyń aqpanynda vedomstvoaralyq komissiianyń sheshimimen COVID-19-ǵa qarsy halyqty immýndaýdyń keshendi jospary bekitildi. Vaktsinany óndirý jáne jetkizý GMP men GDP barlyq standarttaryn, sonymen qatar «sýyq tizbekti» saqtai otyryp júrgizilýde», - dedi Aleksei Tsoi.
Onyń atap ótýinshe, KVI-ge qarsy vaktsinatsiialaý máseleleri boiynsha 9 myńnan astam meditsina qyzmetkeri oqytyldy. 600-den astam vaktsinatsiialaý kabineti, 800 tońazytqysh ,fmen 3 myń termokonteiner daiyndaldy. Naýryz aiynyń sońyna deiin 300 myń azamatqa vaktsinatsiia qoljetimdi boldy jáne 11,3 mln shprits satyp alyndy.
«Joǵaryda aitylǵan vaktsinanyń qosymsha jetkizilimine jáne egý pýnktterin ashý qajettiligine orai biz taǵy 14,5 mln dana shprits satyp alý jumysyn júrgizip jatyrmyz», - dedi ministr.
