Amerika Qurama Shtattarynyń prezidenti Donald Tramp Braziliiadan kelgen sheteldikterge AQSh-qa kirýge tyiym saldy. Bul týraly The New York Times basylymy habarlady.
Latyn Amerikasy eli koronavirýsty juqtyrý boiynsha álemde ekinshi orynǵa shyqqannan keiin Aqúi osyndai sheshimge kelgen.
Braziliia prezidenti Jair Bolsonarý virýsqa qatysty optimistik kózqaras tanytyp kelgeni belgili. Ol densaýlyq saqtaý salasyndaǵy sarapshylardyń eskertýlerin uzaq ýaqyt boiy elemei, álemniń kóptegen elinde engizilgen áleýmettik qashyqtyq sharalaryna da nazar aýdarmady.
Qazirgi ýaqytta Braziliia koronavirýstyń rastalǵan jaǵdailary boiynsha AQSh-tan keiin ekinshi orynda. Munda 350 myńnan astam adam virýs juqtyrdy, qaitys boldy – 22,7 myń naýqas.
«Bul sharalar Braziliiadaǵy sheteldik azamattardyń infektsiiany elimizge ákelmeýin qamtamasyz etedi», - dep málim etti Aqúidiń baspasóz hatshysy Keili Makinani.
Onyń aitýynsha, bul jańa shekteýler ekijaqty saýdaǵa áser etpeidi.
