Elimizdegi koronavirýs infektsiiasyna qatysty jan-jaqty statistika mamyr aiynda daiyn bolady. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
«Vedomstvolyq resmi statistikaǵa qatysty aitar bolsaq, ol jyl saiynǵy tájiribe. Sáýiraiynyń sońyna deiin bul jumys Ulttyq statistika biýrosymen birge júrgiziledi. Osy jumystardyń nátijesi boiynsha sáýirdiń sońyna deiin resmi esep qalyptasady. Statistika, ólim-jitim, barlyq top boiynsha resmi esepke qatysty jan-jaqty vedomstvolyq satistika mamyr aiynda jinaqtalady», - dedi Marat Shoranov Ortalyq kommýnikatsiialar qyzmetinde ótken baspasóz máslihaty barysynda.
Birinshi vitse-ministrdiń dereginshe, Qazaqstanda koronavirýstyń oń nátijesimen 270 myńnan astam, PTR teris nátijesimen 51 myńnan astam naýqas tirkelgen. Epidemiologiialyq ahýaldy baǵalaý matritsasyna sáikes, Qazaqstan Respýblikasy 14 kún boiy táýekeli joǵary, iaǵni, qyzyl aimaqta tur. Sonymen qatar táýekel joǵary aimaqqa elimizdiń 8 óńiri kiredi.
