Densaýlyq saqtaý vitse-ministri Lázzat Aqtaeva Qazaqstanda koronavirýs infektsiiasyn juqtyrǵandardyń sany nelikten artyp bara jatqanyn túsindirdi, dep habarlaidy "Ult aqparat".
«Naýqastardyń sanynyń ósip bara jatqan sebebi – áleýmettik, eńbek qatynastary boiynsha, otbasylyq bailanystyń, qarym-qatynastyń artýynda jatyr. Sebebi juqtyrý jaǵdailarynyń sipaty uqsas: ne eńbek ujymdarynda, ne otbasynyń óz ishinen shyǵýda. Ókinishke qarai, adyn alý sharalaryn saqtamaýdyń saldaryn kórip otyrmyz. Adamdar maska taqpaidy, áleýmettik qashyqtyqty saqtamaidy. Sonymen birge, óz jumysyn bastap ketken nysandarda sanitarlyq-dezinfektsiialyq rejim laiyqty dárejede saqtalmaidy», - dedi Lázzat Aqtaeva Densaýlyq saqtaý ministrliginiń «Ministrlik habarlaidy» aidary boiynsha Facebook-ten sóilegen sózinde.
Vitse-ministrdiń aitýynsha, qazirgi tańda statsionarlarda koronavirýs juqtyrǵan 5 795 patsient bar. Onyń 119-y jan saqtaý bóliminde jatyr.
